عالم الورد

عالم الورد

منتدي يهتم فيك وفيني ويناقش كل اهتماماتنا وقضايانا وحوارتنا وهوايتنا خلك معانا


    كانت اول بنت | تكتب له : احبك !

    شاطر
    avatar
    احلى حلاوة
    عضو ذهبي
    عضو ذهبي

    عدد المساهمات : 264
    تاريخ التسجيل : 31/07/2010
    العمر : 24
    الموقع : الشرقيه

    كانت اول بنت | تكتب له : احبك !

    مُساهمة  احلى حلاوة في الأحد أغسطس 22, 2010 4:52 pm

    وكان عاطل ,,
    الا من قولة أحبك !




    كان ياما كان [ حُب !
    في هذا الزمان
    كان | عآشق
    كان يستنشق صبآحه من : يديها !
    كان واحد من حبايبها : الكثآر !
    كان ثار
    وكان صوته شمس ثوّار وبنادق ,, كان صدره [ حفرة : اشواق وخنادق !
    كانوا العشآق في عينه غُزاة
    وكان لون الليل / احمر
    لون ما يشبه عزاه | كان جدا" مستميت !
    قل مُميت ,,
    يدري ان العشق هذا مو حيآة | ان ظلّوا
    يدري ان العشق هذا مو دليل | ان ضلّوا
    كانت اول بنت تكتب له :
    [ احبك !
    وكانت اول بنت تكتب :
    [ هل احبك ؟!
    رغم هذا ,, كانت لـ غيره تحب
    وكانت لـ غير غيره كم تحب !!
    ضيعتهم !!
    بس ما ظني يضيع
    لـ انه أصدق شخص فيهم
    شخص من قلبه
    [ عشق !
    ولا تردد عن كتابة [ شعر | فيها !
    كان يكتب شعر يعني [ لك عليه ..
    بس يكتب
    بس يكتب
    الأهم انه كتب !
    والاهم انه لـ عشقه ما تواني او كذب ,,
    يمكن انه ما لقى : بنتٍ سواها
    تعشقه !
    او يمكن انه ما لقى نفسه فـ سواها !
    المهم انه يحارب : عن حبيبه
    صار يسهر | صار يقهر هـ الشموع وينهر !
    كل صوت يمر اسم البنت .. عبره !
    حتى صوته
    حتى في باله وموته !
    كان في عشقه " مثالي "
    حتى لو ينسى ذكرها !
    حتى لو تقسى سهرها
    كان عاطل الا من قولة :
    [ احبك !
    ولله يستاهل تحبه ! للاسف ما حبته !
    و ابتداء هـ الحزن ياكل من :
    جبينه !
    ذكرياته ...
    امنياته ...
    كل شي فيه ماته !
    كانت الاوراق اكثر من [ حنينه !
    كلها مكتوب فيها :
    " ايه احبك "
    والعباره ذي اجابه للسؤال
    كان يكتب هو سؤال ويسأله ,,
    كان ينطر هـ الصدى ,, ما جاوبه !
    قال يكتب هـ الجواب اللي توارى به :
    صدى !!
    بعدها ما عاد يعرف هـ الصبآح ؟!
    وان سألته عن صباحه ؟! قال اول هـ النهار !
    وكان قبل الحزن لامنّك سألته
    قال هي اول صباحي
    هي نهار الغيم ,, او غيمة نهاري !
    بعدها ما عاد يعرف ,,
    وش ضماه ؟!
    صار حتى لا عطش | ما يدري !
    يمكن انه لا بكى | يعطشها !
    حتى نومه ,, صار اثقل
    صار حتى لاصحى من نومه ,,
    يفتح اليسرى ويترك يُمنى عينه ,,
    في حلومه !
    حتى فـ احلامه : تيامن !
    حتى في حزنه [ مثالي !
    كان عاطل الا من قولة :
    [ احبك !
    والله يستاهل تحبه ,, للاسف ما حبته !
    كان يشرب هـ الحزن ع الريق !
    يفتح الشباك لامنه بكى
    كان عبره لكل : عاشق | ما يفيق !
    كان يسعى في إماطة هـ الحزن
    عن غيره !
    كان صوته [ يالله شوفوني و خافوا ]
    انا حي الامثله !
    و أرجعوا لأول مماتي
    كان ياما حب في هذا :
    [ الزمان !
    كان | عآشق
    كان يستنشق صبآحه من : يديها !
    كان واحد من حبايبها : الكثآر !
    كان ثار
    وكان صوته شمس ثوّار وبنادق ,, كان صدره [ حفرة : اشواق وخنادق !
    كانوا العشآق في عينه غُزاة
    وكان لون الليل / احمر
    لون ما يشبه عزاه | كان جدا" مستميت !
    قل مُميت ,, وعيش
    قل مُميت ,, وعيش



    لشاعر[ خليل الاحمد !
    avatar
    كللي حلى
    عضو ذهبي
    عضو ذهبي

    عدد المساهمات : 101
    تاريخ التسجيل : 20/07/2010
    الموقع : الرياض

    رد: كانت اول بنت | تكتب له : احبك !

    مُساهمة  كللي حلى في الأحد أغسطس 29, 2010 6:17 pm

    جميل جدا اختي
    كلمات جميله واختيارها اجمل
    شكلك ذواقه للشعر
    ماشاءالله عليك
    ياليت لو نشوف شي لك بالمنتدى
    نحن بالانتظار

    تحياتي
    كللي حلى


    avatar
    احلى حلاوة
    عضو ذهبي
    عضو ذهبي

    عدد المساهمات : 264
    تاريخ التسجيل : 31/07/2010
    العمر : 24
    الموقع : الشرقيه

    رد: كانت اول بنت | تكتب له : احبك !

    مُساهمة  احلى حلاوة في الأحد سبتمبر 19, 2010 7:47 pm

    كللي حلى كتب:
    جميل جدا اختي
    كلمات جميله واختيارها اجمل
    شكلك ذواقه للشعر
    ماشاءالله عليك
    ياليت لو نشوف شي لك بالمنتدى
    نحن بالانتظار

    تحياتي
    كللي حلى



    يسلمو حبيبة قلبي
    هذا من ذوووقك
    تشوفين شي لي؟؟
    مدري احسها صعبه شوووي
    خليها مع الايام لو طلع شي
    الافضل انه يكوون من الخاطر

    شكرا على المرووور

    نورتي الصفحه

      الوقت/التاريخ الآن هو الثلاثاء أكتوبر 17, 2017 9:38 pm