عالم الورد

عالم الورد

منتدي يهتم فيك وفيني ويناقش كل اهتماماتنا وقضايانا وحوارتنا وهوايتنا خلك معانا


    ديوانية الاعضاء مهم <<برواية اخرى مجلس ههههههههههه

    شاطر
    avatar
    اميرة الورد
    Admin

    عدد المساهمات : 307
    تاريخ التسجيل : 16/07/2010
    العمر : 24
    الموقع : الكويت

    ديوانية الاعضاء مهم <<برواية اخرى مجلس ههههههههههه

    مُساهمة  اميرة الورد في الثلاثاء يوليو 20, 2010 5:50 am

    عليكم
    شلونكم شخباركم
    ان شاء الله بخير
    انا يايبة لكم فكرة اليوم
    ان شاء الله تنال على رضاكم <<من زمان كان ودي اقول تنال
    الحمد لله قلتها
    المهم ما علينا
    ندخل بالسالفة <<ما بغيتي
    يؤؤؤؤ عاد
    خلاص بقول
    شوفوا يا اخواني وخواتي الاعضا والعضوات
    ما ادري جذي يحمعون عضوة
    ياااااااوييييييلي حتى عضوة غلط
    المهم
    العضو المؤنث
    <<<سارت حصة عربي ما ادري علوم
    يؤؤؤؤؤؤؤؤ
    يا حبي للقرقة
    الموضوع وما فيه
    انه كل عصو يدخل ويقول سالفة سارت معاه او مع احد من اخواته خواته امه ابوه
    عمه عمته
    خاله خالته
    يده يدته
    اللي يعز عليه
    <<سارت عزيمة عرس"كلووووووووولوووووووووش"
    المهم لو مو من احد يعرفه بس سمع السالفة وعجبته يقولها لنا
    اوكي
    اتمنى التفاعل منكم
    عادي لو العضو يسجل اكثر من مشاركة
    مو مشكلة المهم نسولف ونعرف اخبار بعض
    ونضحك مع بعض
    يلااااااااااااااااا
    بشوف التفاعل
    avatar
    KARBOONSH@LATOOOF
    عضو مميز
    عضو مميز

    عدد المساهمات : 49
    تاريخ التسجيل : 20/07/2010
    العمر : 26

    رد: ديوانية الاعضاء مهم <<برواية اخرى مجلس ههههههههههه

    مُساهمة  KARBOONSH@LATOOOF في الأربعاء يوليو 21, 2010 7:12 pm

    اقووووووول اميره انتي من صجج امبييييه لو اسطرلج سوالف مني لي باجر ما ينفع قولي ليش
    انا اقولج لان سووووالفي كلها امبيه افهميها انتي اوغي I love you
    avatar
    اميرة الورد
    Admin

    عدد المساهمات : 307
    تاريخ التسجيل : 16/07/2010
    العمر : 24
    الموقع : الكويت

    رد: ديوانية الاعضاء مهم <<برواية اخرى مجلس ههههههههههه

    مُساهمة  اميرة الورد في الأربعاء يوليو 21, 2010 10:58 pm

    كربونش
    عادي اخوي خذ رااااااااااااااااااحتك بالسوالف
    عااااااااااااااااااااااااااااااااااادي حياتي
    واهم شيئ قول سالفة مشروب الغدا مع عسوف
    هههههههههههههههههه
    شرفت ونورت الصفحة
    تقبل تحياتي اميرة الورد

    الحالمة

    عدد المساهمات : 19
    تاريخ التسجيل : 22/07/2010

    رد: ديوانية الاعضاء مهم <<برواية اخرى مجلس ههههههههههه

    مُساهمة  الحالمة في الخميس يوليو 22, 2010 6:21 am

    يا طويلين العمر راح اقولكم سالفة تموت ضحك قريتها وهي:
    بعض الناس انهبلت ولا هي منهبله خلقه

    طلعت من هايبر ماركت قبل شوي وانا بركب موتري الا اشوف هاك الاعلان
    على قزاز الهايبر ماركت بيت للبيع وقريه كامله للبيع
    لظروف السفر والابتعاث ؟!!!
    وبسعر مغري بترا فيان
    وحاط رقم جواله
    المهم وانا ادق عليه قلت غدية بيبيع ومحتاج ونستفيد كم قرش بعد ترميم البيت
    وجلست افكر وين هالحي فيه الي اسمه ترافيان
    مايهم يمكن من الاحياء الجديده وطقتها
    وانا الي ادق
    حاط صدى اغنية طلال مداح كنغمة رن (مقادير ياقلب العناء )
    قلت شكله عنده ظروف قاهره والرجال غرقان لشوشته ويبي يبيع باسرع وقت
    وارجع ريوس واشق الاعلان قلت لاحد يشوفه ويخرب علينا البيعه ويسبقتا
    المهم
    رد مرحبا
    قلت السلام عليكم
    وعليكم السلام
    كيف حالك اخوي ان شاء الله تمام
    قال الحمدلله
    قلت شفت اعلانك لبيع البيت
    البيت جديد ولا قديم ؟
    قال جديد من بدايات 2009
    قلت كم سيم وحدك يالغالي
    قال منيب طماع
    وتراي سمح
    وانا الي اقول بقلبي غدي الدرج مفصول ارغب له وفيه مسبح وبايكه وبيت شعر
    ومكيفات اسبيلت والبويه فيلفت
    المهم قلت وش المواصفات
    وهو الي يقول
    اخوي من جد فرصه لاتفوتك قال اسم الولد الله يسلمك قلت محمد
    قال هذي الموصفات يابومحمد
    قريتي في ترافيان
    وانا الي اهوجس واقول شكله مطنوخ راعي قرى وشاليهات ومنتزهات
    قلت الله يزيدك من نعيمه
    شوي ويقول
    عدد السكان 4077
    لها 6 قرى فرعية
    قلت مشاء الله تبارك الله
    اشتراك قوي 20 على السيرفر
    ترتيب القرية 1250
    فيها320 ذهب (قلت شكل البير الارتوازي يسمونه ذهب من زود غلاه )
    والمطلوب 1500 ريال يالشيخ
    قلت وش الي ب1500
    قلت بقلبي شكله مكثر اللبن او ان البيت فيه انا وش هالسعر
    اكيد انه مهوب صاحي لا بالله 1500 اكيد مهبول ولا يحسبني باستاجر يومي
    وانا الي اسئله
    بكم
    قال 1500
    وانا الي اصرخ واقول انت صادق ولا تمزح
    قال جاد يابو محمد ولولا الظروف قسم بالله ما ابيعها ؟؟؟
    وانا الي اسئله الصك بسمك ؟؟ البيت عليه مشاكل ارث او غيره ؟
    الحي معتمد من الامانه ؟؟؟؟؟
    الخدمات واصله ؟؟
    قال ياخوي انت وش فيك اي ارث واي مشاكل واي خدمات وهو الي يحطه على السبيكر
    قلت شكلي احرجته والرجال حساس
    قلت له
    والبيت وينه فيه ؟؟؟؟؟؟
    قال بترافيان
    قلت وترافيان باي مكان ؟
    قال ايش ؟
    من قال ايش قلت شكلي غلطت قلت يالشيخ
    الله يطول بعمرك حي ترافيان وين مكانه فيه ؟
    قال تستهبل انت ؟
    قلت لا والله منيب استهبل اول مره اسمع بالحي
    قال اي حي قلت الي انت باني فيه حي الترافيان
    وهو يضحك واسمع ضحكات من حوله اثره حاطه ع السبيكر
    قال انت ماعندك كمبيوتر قلت الا
    قال ولا عمرك دخلت ترافيان قلت ابد
    حدي منتديات الاسهم ؟
    قال ترافيان لعبه
    واشتراك السيرفر33

    قلت وشوا ؟
    وانا الي اقطع الخط
    ويجلس يدقدق وانا الي مارديت عليه
    وارقام غريبه تدق
    وتاليها حسبي الله ونعم الوكيل
    هو الي يرسل
    لي رساله (( حياك الله يابو محمد على النزاله حاطين عشاء في بيتنا الجديد بترافيان ))
    وحاطط ههههههههههههه


    يضرب ترافيان وتضرب سنينها هبلت بشبابنا هالالعاب
    avatar
    KARBOONSH@LATOOOF
    عضو مميز
    عضو مميز

    عدد المساهمات : 49
    تاريخ التسجيل : 20/07/2010
    العمر : 26

    رد: ديوانية الاعضاء مهم <<برواية اخرى مجلس ههههههههههه

    مُساهمة  KARBOONSH@LATOOOF في الخميس يوليو 22, 2010 8:41 am

    امبيه اميره صدتيني انا اقولكم سالفة المشرووووب مع الغدا جربوا حده شي احنا انا وعفوس لازم نشرب مع العيش والدياااااي احم حليييييب ناس تشربت عصير شربت شربات قصدي واحنا من دون النااااس حلييييب حار جربوا






    مع تحياتي دعاية كمفوووورت احم جااان انحاااااش
    avatar
    اميرة الورد
    Admin

    عدد المساهمات : 307
    تاريخ التسجيل : 16/07/2010
    العمر : 24
    الموقع : الكويت

    رد: ديوانية الاعضاء مهم <<برواية اخرى مجلس ههههههههههه

    مُساهمة  اميرة الورد في الخميس يوليو 22, 2010 10:24 am

    كربونش
    هههههههههههههههههه
    والله مو صج
    وربي موصاحي
    وانت ساعة تسولف معاه
    واخرتها لعبة
    لو انا مكانك اقول له انت وين
    وارح له اكسر راسه
    لا وحاط لها علان يا مال الفلس
    و 1500
    بس عن جد
    اكلتها انت
    هههههههههههههههه
    مشكرو على المرور
    والمشاركة
    تقبل تحياتي
    اميرة الورد
    avatar
    اميرة الورد
    Admin

    عدد المساهمات : 307
    تاريخ التسجيل : 16/07/2010
    العمر : 24
    الموقع : الكويت

    رد: ديوانية الاعضاء مهم <<برواية اخرى مجلس ههههههههههه

    مُساهمة  اميرة الورد في الخميس يوليو 22, 2010 10:27 am

    هههههههههههههههه
    اما مشرةب الغدا
    بصراحة
    ودي اشوف ويه فلبينية الكافتريا لما تقول لها
    عيش دياي+حليب شاي
    هههههههههههههههه
    موصج
    تقبل تحياتي
    اميرة الورد
    avatar
    اميرة الورد
    Admin

    عدد المساهمات : 307
    تاريخ التسجيل : 16/07/2010
    العمر : 24
    الموقع : الكويت

    رد: ديوانية الاعضاء مهم <<برواية اخرى مجلس ههههههههههه

    مُساهمة  اميرة الورد في الجمعة يوليو 23, 2010 10:27 pm

    السلام عليكم
    شلونكم شخباركم
    ايام الامتحانات كنت قاعدة ادرس ولد خالتي "عز الله نجح الولد"
    المهم
    كان امتحانه علوم اهوا بسادس
    وانا شادة حيلي اشرح عن الذرة ومكوناتها
    البروتونات والنيوترونات
    والالكترونات
    وشحتنها السالبة والموجبة
    <<<تراني اللي اعرف
    المهم
    وانا اشرح من قلب وضمير
    <<<اول مرة
    ولا الاخ يقول .......النقط اسمي
    هههههههههههه
    يعني شنو جزمة
    انا اهني جنه احد معطيني كف من قلب
    ولا كات علي ماي بارد
    الحين انا اشرح وذابحة عمري
    واهذا يقولي شنو جزمة
    جان اصارخ عليه واقول والله ما في جزمة غيرك يا الجزمة زين
    جان يقول يا ربي انا شنو اسوي بنفسي
    كل المدرسين يقولون لي جزمة وانتي تقولين لي جزمة شنو يعني خليني اعرف بس شنو المعنى
    جان اقول له الجزمة يعني قندرة
    <<<طبعا انا قلتها بالعراقي
    متعمدة لانه اهوا شكله سبحان الله جنه عراقي
    جان يقول لا امانة والله من صجج
    وعصب وراح قال حق امه اني قلت له يا جوتي
    "وانتوا بكرامة "
    طبعا الاخ فهمها بالعراقي
    عاد امه قالت لي ليش تقولين له جذي ولا خالتي الثانية وتقول سبحان الله والله ما جذبتي يوم قلتي انه من البصرة
    <<تكلمني
    يعني الحين ولدج ما فهمها بالمصري فهمها بالعراقي
    <<تكلم خالتي
    وبعدين تاسف مني ورديت درسته
    <<انا اغلط عليه واهوا يتاسف
    نيهههههااااااي
    avatar
    احلى حلاوة
    عضو ذهبي
    عضو ذهبي

    عدد المساهمات : 264
    تاريخ التسجيل : 31/07/2010
    العمر : 24
    الموقع : الشرقيه

    رد: ديوانية الاعضاء مهم <<برواية اخرى مجلس ههههههههههه

    مُساهمة  احلى حلاوة في السبت أغسطس 07, 2010 6:54 pm

    ههههههههه اما سالفه ترافياان موتتني ضحك هههههههههههههههههههههههه
    تعيش وتاكل غيرها هههههههههههه\


    عاد اقولكم سالفه من سواليفي

    قبل شهرين على ايام الاختبارات النهائيه يوم الجمعه كنت بالصاله مع اخواني اطالع فلم هندي على ام بي سي ماكس<<اسوي له دعايه خخخ<<<الاوادم تذاكر وانا اشوف فلم هندي

    الزبده اني جالسه بالصاله وعلى حظني الملزمه والاله حاسبه والدفتر والقلام ...والعقل والعيون مع التلفزيون وماعطى للدراسه بال

    ومن الاندماج ما اسمع الا صوت باب الصاله ينفتح وخذ لك ركض انا واخواني وانا رميت كل اللي بحظني واهرب لغرفتي
    واخواني اللي يروح الحمام واللي تحت السرير وكلنا ميتين ضحك على الحال
    <<<ابوي دخل وخبركم لو يشوفنا كذا وحنا عندنا اختبارات نهائيه ومو اي مادة رياضيات<<وانا ثالث ثانوي لا بالله نزل لعقال على ظهورنا<<<امززح ابوي رحووم
    والمهم نرجع لمحور حديثنا
    وانا بالغرفه سمعت خطوات قريبه عرفت ان ابوي بيدخل الغرفه <<<طبعا الغرفه حوسه وكلها اوراق للمذاكره والتلخيصات
    انا من الحماس وما ابي ابوي يشوفني سهرانه على الفاضي مسكت ورقه وغطيت وجهي وانا اضحك على الصامت حاطته على الهزاز هههه
    شوي اسمع ابوي يقول وش فيها هذي وش تذاكر؟؟
    وانا ماعطته طاف ماارد اضحك مو قادره اتكلم
    يرجع يقول شلون تذاكرين انتي وش تسووين؟؟
    وانا خلاص منتهيه من الضحك اخرتها طفش مني وطلع

    وانا شوي افتح عيوني واشوف وش بيدي
    هع تخيلوا طلعت الورقه فاااااااااااااااااااااااااااااااااااااضيه
    وانا حاطتها على وجهي والضوء فوقها يعني يبين انها فاضيه

    ويدخلون اخواني ويشوفون الحال واقولهم اللي صار ويتسدحوون معي ضحك

    هههههههههههههه
    واااااااو شي ما ينسي ايام الاختبارات جد تتعب بس روووعه

    <<<سالفه ماتو ضحك عليها بعض ناااااس
    avatar
    اميرة الورد
    Admin

    عدد المساهمات : 307
    تاريخ التسجيل : 16/07/2010
    العمر : 24
    الموقع : الكويت

    رد: ديوانية الاعضاء مهم <<برواية اخرى مجلس ههههههههههه

    مُساهمة  اميرة الورد في الإثنين أكتوبر 11, 2010 10:42 am

    هههههههههههههههه
    احلى حلاوة
    والله انج خطيييييييييييييرة
    اما الافلام يتسلطون ايام الامتحانات فلم احلى من فلم
    تقبلي تحياتي
    اميرة الورد

      الوقت/التاريخ الآن هو الأربعاء أغسطس 16, 2017 5:37 pm